عايزة تبقى رخمة تعالى ياختى اقولك ازاى تبقى رخمة

بسم الله الرحمن الرحيم

ازاى تبقى خنيقة طحن لحد ما تنضربى علقة سخنة

قولى نكته طويلة أوى وتعالى عند أخرها وأعملى نفسك نسيتيها

• هاتى بخاخة مطهر و أمشى ورا واحد و كل مايلمس حاجة تروح راششها بالمطهر على طول

• لما حد يشكى لك من حاجه قولى له أنا عندى مشاكل أكتر منك

•فى مطعم بصى للناس اللى على التربيزة اللى جنبك وهى بتاكل ودققى أوى

• كل ما حد يقولك حاجه عيديها بس على هيئة سؤال مثلا هايقولك "مش أنا اتجوزت" قولى له "أتجوزت؟!" هايقولك "اه الشهر اللى فات" قولى له " الشهر اللى فات؟!" ..... و هكذا

• و انتى بتتكلمى مع واحد متبصيش فى وشه خالص

• واحدة تانية بقى دققى فى ملامحها بصى لودانها وشعرها وكده

• و أنتى فى المول ماتمشيش عادى لأ أفضل نطى لحد ماتوصلى للمكان اللى رايحاه .... أظن دى مستحيلة هانبقى هبل رسمى فهمى نظمى واقل حاجة هانبور علطول

• مش كده وبس أى حاجة تقابلك فى سكتك طبلى عليها

• أعزمى ناس تعرفيها ملهاش علاقة بمناسبة عيد ميلاد حد تعرفه وياسلام لو معزومة على الفطار لازم تاخديلك مش أقل من أتنين فى إيدك

• لو قاعدة بتتفرجى أنت وصحابك على فيلم وفاضل 5 دقايق قومى غيرى القناة شدى الفيشة أعملى أى حاجة لحد الفيلم مايخلص وميعرفوش النهاية و ممكن كمان لو ماتش كورة جامدة كده ممكن تبقى جون تقومى تغيرى القناة او تشدى الفيشة بسرعة كده مثلا

• سيبى إاشارة العربية الشمال شغاله لمده 5 كيلو متر من غير ماتلفى و بعدين اطفيها و كملى طوالى.... دى بقى انا مش فاهماها خالص لأنى ولا عندى عربية ولا باعرف اى حاجة في السواقة

•ألبسى جراب زى الجراب اللى بيتحط فيه المسدس بس حطى فيه الريموت كنترول وكل ماتقابلى حد طلعيه فى وشه قال يعنى هتضربيه بالنار

• أول ماتشوفى كيس كاتشب على الأرض دوسى عليه برجلك طرطشيه على بنطلون اللى جنبك وقولى له كنت بشوفه فاضى و لا مليان

• لو واقفة جنب حد بيعد فلوس و فى وسط ما هو بيعد قولى اى رقم عشوائى زى 423