أ
خيرا قررتي الحصول على قوام رشيق. وقررتي أنك ترجعي لوزنك الطبيعى مع نهاية السنة وتبقى أجمل من عارضات الأزياء ، وتقدري تدخلي سباق الجري مرة أو مرتين .. اسبوع يمر وخطتك ماشية بنجاح وفعلاً تشتري جزمة رياضية وتنزلي تجري ، وتبطلي أيس كريم بالليل زي ما تعودتي وتبدأي تحسي انك ماشية كويس ..
ويبدأ الأسبوع الثاني وتلاقي نفسك بعد كل المجهود ده فقدتي كيلو جرام واحد ، ووقتها تبدأي تحسي بالملل وانتي بتجري وبدأتي تكسلي عن مواعيد الرياضة ورجعتي تاني لأكل الشيكولاتة ومع نهاية الأسبوع التاني قررتي ترجعي لنظام حياتك القديم !
ده طبيعي؟
سهل انك توصلي لقوام رشيق لكن لو أخذتي الموضوع بجدية أكبر وحافظتي على الرياضة بانتظام وبجدية أكثر وأكثر لكى تلتزمي بالخطة. عشان كده بنقدملك شوية نصائح ممكن تساعدك عشان تحافظي على حماسك :
حددي أهداف واقعية ومحددة .
لو قلتي لنفسك إنك عايزة جسمك يبقى رشيق و يشبه عارضة أزياء رائعة، ده معناه كارثة مؤكده لسببين. أولهما: أن 2% فقط من النساء يقدروا يوصلوا لشكل جسم عارضة أزياء رائعة، وثانياً: أن ده هدف غير محدد. وصعب تحققي هدف غير واقعي . لكن ممكن تقولي " عايزة أقدر أمارس رياضة الجري لمدرة نصف ساعة بدون توقف " أو " عايزة وزني أقل 5 كيلو " .
حددي أهدافا قصيرة الأجل ضمن الخطة الأكبر
يعني ممكن تحددي انك عايزة وزنك يقل كيلو في نهاية أول أسبوع من الخطة ، أو تجري عشر دقائق كل يومين في أول أسبوع .
ممارسة الرياضة في الصباح
دراسات كتير أثبتت أن الناس اللي بتبدأ يومها بممارسة الرياضة بيقدروا يحافظوا على النظام ده بشكل يومي ، لأن في الصباح مفيش حاجات غير متوقعة ممكن تعطلنا زي دعوة مفاجئة للسينما أو حضور اجتماع معين .ولو كان صعب عليكي الصحيان بدري ..خلي ملابس التمارين قدامك عشان تكون أول حاجة تشوفيها أول ما تصحي من النوم .
إعملي رياضة مع صديقة ليكي تشجعك
إعملي رياضة مع صديقة أو أخت ليكي ده يساعدك انك تحافظي على حماسك ، لكن اتأكدي الأول انها هتشجعك وانها زيك بتحلم بقوام رشيق وبكده هتحافظي على ممارسة التمارين كل يوم .
خلي معاكي دفتر يوميات للتمارين
فكرة حلوة انك تخلي معاكي دفتر تكتبي فيه خطة تمريناتك ومواعيدها عشان تحافظي على حماسك ويفكرك قد إيه نجحتي لحد دلوقتي . !
جربي أشكال مختلفة من التمارين
عشان تتجنبي الملل حاولي تنوع في أشكال تمريناتك كل يومين زي ركوب دراجة أو الرقص ، التنوع هيساعدك إنك تحافظي على حماسك لأخر الخطة .
اطلبي مساندة عائلتك وأصدقائك
اتكلمي مع عائلتك وأصدقائك عن خطة تمريناتك وأهدافك وقد إيه هي مهمة ليكي عشان يقدروا يساعدوكي ويشجعوكي .
خلي معاكي صورة شخص معين تستمدين منه الحماس
ممكن يكون الشخص ده رياضي مشهور زي "كيلي هولمس " أو شخص ليه جسم رشيق ومهما كان الشخص اللي انتي معجبة بيه ، أكيد كل ما تشوفيه صورته هتتحمسي أكتر وتتمسكي بهدفك .
اهلا وسهلا بكم في حلم العمر ... معنا الى الأفضل بإذن الله ...
مشكوره عمري موضوع حلو
