مافيش مافيش مااااافيش الله

باقينا عايشين ف وهم كبيييير
اي كلمة نصدقها
لان الدنيا دي فيها كتييييييييييييييييير
فاكرين نفسهم اسيادها
وده طبعا عن طريق الاشاعات اللي بتطلع كل ساعة تقريبا
واحنا واللحمدلله
بنصدقها

مفيش مكالمة هتجيلك على موبايلك و تجبلك سرطان .
...
مفيش جروب هيبعتلك رصيد ببلاش

هوتميل مش هيبقى بفلوس.

اريكسون مش بتوزع أجهزة لابتوب ببلاش.

مفيش حاجة اسمها تعرف مين بيشوف بروفايلك علي الفيسبوك

الرسام الدنماركى لسة عايش و متحرقش.

ملك ملوك أفريقيا مش هيبعتلك 5 مليون دولار..

بيل جيتس مش بيوزع ثروته على الشعب

الملايكة مش الترا فايوليت و الجن مش انفرا رد

مفيش حاجة اسمها تعرف مين مخفي او مين مسحك علي فيسبوك

لو دوست على الموس مرتين او دوست لايك مش هتشوف معجزة

مفيش حاجة اسمها هنرجع فيسبوك القديم

لو اشترك عشرومية مليون واحد اسرائيل مش حتسيب فلسطين

مفيش حاجة اسمها خلى بروفيلك يشغل موسيقى

لو انت مبعتش الرساله دي لكل الناس مش هتاخد مليون سيئه

مفيش حاجة اسمها لو جمعنا مليون واحد هنعمل بطيخ من غير بذر

و لو بعت الرسالة ديه ل100 واحد حبيب قلبك مش هيحس بأى حاجة بكل بساطة

و لو اهملت الرسالة أكيد بردوا ميكى موس مش هيزعل منك

و لو بعتها برده بوكيمون مش هيجيلك

يلا قولو ورايا
من قلبه وروحه مصري
والنيل جواه بيسري
تاريخ ارضه وبلاده بيجري جوا دمه
من قلبه ورورحه مصري...............
قولها 5 مرات وهيطلع لك بكار في الحلم
قولها 10 مرات وهيطلع لك بكار ومعاه حسونه في الحلم سترى بكار بالألوان و سيأتيك كابتن ماجد و احتمال النينجا ترتلز.،أرسلت إلى شخص و اهملها فانقعطت عنه قناة سبايس تون،شخص آخر ارسلها فرزق بشريط م...يكى ماوس الأصلى ،و آخراهملها فتحول إلى بوكيمون،و آخر مسحها شاف النجوم فى عز الظهر

احذر لقد اهملها شخص من قبلك فتحول الى رشيدة

تلاقى واحد بيقولك تحدانى يهودى انى اجمع 100 مليون مسلم كان شاف اليهودى فين ولا اللى يقولك لو بقينا مليون واحد مسلم فيه اتنين حيعلنوا اسلامهم على اساس ان مصر مفهاش اكتر من70 مليون مسلم

دعاء سيدنا يونس عليه السلام لا إله إلا الله سبحانڰ إني ڰنت من الظالمين أرسلهاإلى25 شخص و سوف تسمع خبر حلو الليلة وهذه حقيقة مثبتة علميا أما إذا أهملتها فسوف
يصيبڰ التعس 9 سنوات ______
انا عاوزة اعرف اشمعنه 9 سنوات ..
ليه مثلا مقالكش 10 او 15 اشمعنه رقم 9 يعني ...
ومين صاحب نظريه ال 25 شخص دي ؟
انا اعرف ان كل حقيقه مثبته علميا بيبقا ليها نظريه
مين بقا العبقري صاحب النظريه دي

صدق صدق
انت كدة ياجحا
عايش عشان تصدق